கிழக்கு லண்டனில் உள்ள ஒரு வீட்டில் ஏற்பட்ட ரசாயன சம்பவத்தில், ஒரு வயது குழந்தை உயிரிழந்தது. இந்த வழக்கில் கொலைக்குற்றம் (manslaughter) தொடர்பாக 41 வயதான ஒரு ஆணும், 26 வயதான ஒரு பெண்ணும் கைது செய்யப்பட்டுள்ளனர் என பெருநகர காவல்துறை தெரிவித்துள்ளது.
போலீஸ் தகவலின்படி, கைது செய்யப்பட்ட இருவரும் இறந்த குழந்தைக்கு தொடர்புடையவர்கள் அல்ல. அவர்கள் தற்போது விசாரணைக்காக காவலில் வைக்கப்பட்டுள்ளனர்.
நியூஹாம், அப்டன் பார்க், பார்கிங் ரோட்டில் அமைந்த வீட்டில் செவ்வாயன்று ரசாயன வாசனை வீசியதாக அறிவிக்கப்பட்டதைத் தொடர்ந்து, லண்டன் தீயணைப்புப் படையினர் மற்றும் அவசர சேவை பிரிவினர் சம்பவ இடத்துக்குச் சென்றனர்.
அங்கு இருந்த இரண்டு பெரியவர்கள், ஒரு வயது குழந்தை மற்றும் ஆறு வயது குழந்தை ஆகியோர் உடனடியாக மருத்துவமனைக்கு கொண்டு செல்லப்பட்டனர். ஆனால் சிகிச்சை பெறும் நிலையில் இருந்த ஒரு வயது குழந்தை உயிரிழந்தது. மற்ற மூவரின் நிலை தற்போது நிலைத்ததாக காவல்துறை கூறியுள்ளது.
பாதுகாப்பு முன்னெச்சரிக்கையாக அருகிலுள்ள குடியிருப்புகளில் இருந்து சுமார் 12 பேர் வெளியேற்றப்பட்டனர். இது பயங்கரவாதச் சம்பவம் அல்ல எனவும், விசாரணை தொடர்ந்து நடைபெறுகிறது எனவும் அதிகாரிகள் தெரிவித்துள்ளனர்.
0 கருத்துகள்